IMQ Zurriola Zentroak zerbitzu integrala eskaintzen du Kirol Medikuntzako Unitatean, ariketa terapeutikoaren programa barne.

Ariketa terapeutikoari esker, tratamendua ematen zaie hainbat gaixotasuni, hala nola, aldizkako klaudikazioa, hipertentsioa, bihotzeko gutxiegitasuna edo 2 motako diabetesa.

Tratamendu segurua eta efikaza da, ariketa mota batzuk dituena: aerobikoa, indarra, oreka eta mugikortasuna.

Zer dio Zientziak ariketa terapeutikoari buruz?

• Botikak bezain efikaza da zenbait gaixotasunetan

  Azterlan meta-epidemiologiko batean¹ frogatu da gaixotasun koronarioan, bihotzeko gutxiegitasunean, iktusean eta aurre-diabetesean ariketa terapeutikoak eragiten duen hilkortasun-murrizketa botikek eragiten duten bestekoa dela.

  ¹ Naci H, Ioannidis JP. Comparative effectiveness of exercise and drug interventions on mortality outcomes: metaepidemiological study. BMJ. 2013; 347:f5577.

• Baliabide anitzeko pilula gisa dihardu

  Ariketa terapeutikoa efikaza da 25 gaixotasun baino gehiagotan ². Ez dago horrelako efektu globalik duen botikarik.

  ² Pedersen BK, Saltin B. Exercise as medicine - evidence for prescribing exercise as therapy in 26 different chronic diseases. Scand J Med Sci Sports. 2015 Dec; 25 Suppl 3:1-72.

• Hautaketa-tratamendua aldizkako klaudikazioan

  Aldizkako klaudikazioan gainbegiratutako ariketa terapeutikoa kirurgia ³ bezain efikaza da eta gainbegiratu gabeko ariketa⁴ baino efikazagoa.

  ³ Aramendi JF, Emparanza JI. Resumen de las evidencias científicas de la eficacia del ejercicio físico en las enfermedades cardiovasculares. Rev Andal Med Deporte. 2015;8(3):115–129

  ⁴ Fokkenrood HJ, Bendermacher BL, Lauret GJ, Willigendael EM, Prins MH, Teijink JA. Supervised exercise therapy versus non-supervised exercise therapy for intermittent claudication. Cochrane Database Syst Rev. 2013 Aug 23;(8): CD005263.

• Segurua eta ondorio kaltegarri gutxirekin

  Badira sei azterketa sistematiko, horietakoren batek 10 urteko jarraipena duten azterlanak dituena, adierazten dutenak ariketa terapeutikoa segurua dela gaixotasun koronarioa, bihotzeko gutxiegitasuna edo iktus duten pazieentengan

Gure ariketa terapeutikoaren programa berariaz pertsonalizatuta dago paziente bakoitzarentzat, zure patologia hobetzeko ariketak ditu eta zure oraingo egoera fisikoari nahiz zure gustuei egokituak.

Gure programari esker eta gure profesionalen laguntzarekin eguneroko jarduerei ekin ahal izango diezu berriz, zeure osasun-egoera eta bizi-kalitatea hobetu.

José F. Aramendi doktoreak zuzentzen du ariketa terapeutikoaren programa. Aramendi Medikuntzako doktorea da eta Kirol Medikuntzako espezialista. 25 urtetik gorako esperientzia du maila guztietako kirolariak tratatzen.

Elite-kirolaren barruan ziklismo profesionaleko ONCE eta United States Postal Service taldeetako medikua izan zen eta gaur egun Hondarribia Arraun Elkartea traineruko eta Endesa Ligako San Sebastián-Gipuzkoa Basket Club taldeko medikua da.

Doktoregoa eta espezialitatea Alemaniako Albert-Ludwigs-Universität Freiburg Unibertsitatean egin zituen, ariketa terapeutikoko taldeez arduratu zen. 2010etik lanean ari da ariketa fisikoa aplikatzen gaixotasun kronikoen tratamenduan.

Aramendi doktoreak ANECA (Agencia Nacional de Evaluación de la Calidad y Acreditación) erakundearen egiaztagiria du, iraksle doktore laguntzaile. Haren ikerkerketen artean, 15 artikulu argitaratu ditu nazioarteko aldizkari zientifikoetan eta sei estatuko aldizkari zientifikoetan.

• Zertan lagunduko dit ariketa terapeutikoak?

  Gaixotasun kronikorik baduzu, ariketa terapeutikoak lagundu egingo dizu zeure gaixotasuna hobetzen, eguneroko zereginak hobeto egiten eta, gainera, zure bizi-kalitatea hobetuko du.

• Probarik egingo didate ariketa terapeutikoko programa hasi baino lehen?

  Ariketa terapeutikoko programa hasteko, hitzordua eskatu behar duzu Aramendi doktorearekin, kirol medikua eta programaren arduraduna. Hark aholkatuko dizkizu jarraitu beharreko urratsak. Gainera, bisita egingo duzu zeure espezialistarekin. Bi medikuen artean erabakiko dute zer nolako probak egingo dizkizuten, programari era seguruan ekin diezaiozun.

• Zergatik da beharrezkoa probak egitea ariketa terapeutikoko programa hasi baino lehen?

  Ariketa terapeutikoko programa hasi baino lehen proba batzuk egin behar dira, egiten duzun ariketa segurua, zure egoera fisikoari egokitua eta efikaza izan dadin. Probek badute beste helburu bat: egiten duzun ariketak behar duen efekturik egiten duen zeure osasunean eta zeure egoera fisikoan jakitea.

• Nora joan behar dut ariketa terapeutikoko programa hasteko?

  IMQ Zurriola Zentro Mediko Kirurgikoan (Kale Nagusia, 3), Donostiako Gros auzoan irakatsiko dizkizugu ariketa terapeutikoak. Ikasi eta hobetu ahala, ariketak zuk nahi duzun leku eroso eta egokian egingo dituzu; kalean, gimnasioan, etxean edo gurekin jarraitu zentroan.

• Zein ariketa mota egiten da ariketa terapeutikoko programan?

  Zure gustuko diren, zure osasuna hobetzen eta eguneroko zereginak hobeto egiten laguntzen dizuten ariketa terapeutiko motak irakatsiko dizkizugu. Zure gaixotasunak eta mugak zein diren, zuretzat egokienak diren ariketa motak egiten irakatsiko dizugu.

• Zenbat aldiz joan behat dut zentrora?

  Pertsona bakoitzaren arabera. Zure ezaugarri fisikoetara eta zure beharretara egokituko gara. Jarduera guztiak zure oraingo egoerara banan-banan antolatuko ditugu, zure osasunaren eta zure bizi-kalitatearen hobekuntza iraunkorra lortze aldera.

• Zer egin behar dut izena emateko eta zenbat balio du?

  Aramendi doktorearekin informazio-kontsulta eskatu behar duzu IMQ Zurriola Zentro Mediko Kirurgikoan, telefonoa 943 32 35 00. Lehen kontsulta hau doakoa da. Hark adieraziko dizkizu jarraitu beharreko urratsak.

  Programaren kuota hilerokoa da, baina zenbatekoa pertsona bakoitzaren beharren araberakoa izango da. Edozein zalantzatarako, deitu 943 32 35 00 telefonora.