Irudi bidezko Diagnostiko Unitatea
Irudi bidezko Diagnostiko Zerbitzua espezializazio altuko zerbitzu bat da. Irudiak lortzeko miaketak egitea xede du diagnostikoak egiteko edo/eta prozedura terapeutikoetan gidatzeko.
Profesional talde batek osatzen du Zerbitzua (mediku espezialistak, EUD, TERS, administrari laguntzaileak). Talde horrek pazienteek edo medikuek eskatutako behar diagnostikoak zein larruazalean zeharreko teknikak, ahal den neurri txikienean inbaditzaileak direnak, egitea du helburu.
Irudi bidezko Diagnostiko Zerbitzuak zerbitzu eskaintza zabala dauka, eta IMQ Zorrotzaurre Klinikaren barruan Larrialdiak, Ospitaleratzea, Kirurgia Jarduera eta Jarduera anbulatorioaren prozesuei zerbitzuak eskaintzen dizkien funtsezko zerbitzu orokorra da.
Proben emaitzak (irudiak eta txostenak) Irudien Komunikazio eta Artxibo Digitalen Sistema batean gordetzen dira (PACS), pazientearen historial erradiologiko osatua egitea ahalbidetzen duena.
Eguneko 24 orduetan eta urteko 365 egunetan eskuragarri gaude ospitaleko, anbulatorioko edo larrialdietako pazienteen Irudi bidezko edozein Diagnostiko eskaera artatzeko.
Zerbitzuak diagnostikorako teknika ezberdinak ditu:
- Erradiologia konbentzional digitalizatua, mamografia eta densitometria, erradiazio ionizatzailea erabiltzen dutenak.
- Ordenagailu bidezko Tomografia Detektagailu anitza (TCMD), erradiazio ionizatzailea ere erabiltzen duena.
- Erresonantzia Magnetikoa, eremu magnetikoak erabiltzen dituena.
- Ekografia (ultrasoinuak).
- Erradiologia baskular interbentzionista.
IMQ Zorrotzaurre Klinikako Irudi bidezko Diagnostiko Zerbitzuak Joint Commission Internationalek emandako kalitate kreditaziorik gorenak dauzka, baita UNE-EN ISO 9001-2008 ere. Izan ere, gure lehentasunezko helburuetako bat da irudien lorpenaren optimizazioa eta pazientearen babes erradiologikoa ziurtatzea, bai eta jardunean dabiltzan langileek eta pazienteek oro har jasotako dosiak ahalik eta baliorik baxuenetarako joera izatea ere, indarrean dagoen legedia betez.
Teknologia
-
Ordenagailu bidezko erradiologia digitala X Izpien bidez adierazitako gune anatomikoen erradiografiak lortzea ahalbidetzen duen teknika bat da, egon daitezkeen lesioak aztertzeko. Teknologia digital berriek erradiazio ionizatzailearen dosi oso txikiak erabiltzen dituzte. Sistema hauen bidez lortzen diren irudiak kalitate altukoak dira eta Irudien Komunikazio eta Artxibo Digitalen Sisteman (PACS) gordetzen dira.
-
Gure Zerbitzuan erabilgarri dago azken belaunaldiko mamografo digital zuzena (Selenia Dimensions 3D)Tomosintesiarekin, ahalik eta erradiazio dosi txikiena erabiliz eta gainezarpenak eragiten dituen arazoak ezabatuz, izugarrizko kalitate oneko 2D eta 3D irudiak lortzeko. Teknologia horrek bularreko lesioak ikusteko aukera areagotzen du, sentsibilitate diagnostikoa konbo eran handituz (2D konbentzionala eta 3D Tomosintesia).
-
Ekografiak ez du X izpirik erabiltzen, osasunerako kaltegarriak ez diren ultrasoinuak baizik. Zunda baten bidez (transduktorea) ultrasoinuen sorta miatu nahi den organora zuzentzen da. Transduktore horrek uhinak igorri eta jaso egiten ditu, eta ondoren, denbora errealean, ekipoak irudi bihurtzen ditu. Azken belaunaldiko gure Philips eta Hitachi ekipoek maiztasun anizkoitzeko uhinak dituzte eta ekografia azterketa gama zabala egitea ahalbidetzen dute, aurreratuenak barne (Doppler Ekografia, Ekografia Obstetrikoa 3Dn, Fetuaren Ekokardiografia, Ekografia muskuloeskeletikoa eta Ekografia Interbentzionista -larruazalean zeharreko biopsiak, drainatzeak, teknika ablatiboak irrati-frekuentzia bidez, bularreko tumoreetan metalezko lekukoak jartzea neoadjubantzia tratamenduaren aurretik, ebakuntza aurreko markatzeak, eta abar-)..
-
Ordenagailu bidezko Tomografia Detektagailu anitza teknika erradiologiko bat da, x izpien erabileraren bidez gure gorputzaren barne egituren zeharkako irudiak eta bolumetrikoak lortzea ahalbidetzen duena. Probaren erresoluzio anatomiko handiagatik eta bere azkartasunagatik oso egokia da patologia askoren azterketarako, besteak beste, azterketa baskular, onkologiko, ostemuskular, burmuinetakoetarako...
Gure zentroan azken belaunaldiko bi TCMD ekipo ditugu, eta azterketa konbentzionalak eta aurreratuak egiteko gaitasuna izateaz gain, teknologia modernoena erabiltzen dute pazienteak jasotzen duen erradiazio dosien murriztapenean.
-
Erresonantzia Magnetikoa diagnostiko medikoa egiteko teknika bat da, x izpiak erabiltzen ez dituena. Horren ordez eremu magnetikoak eta irrati-frekuentziako uhinak erabiltzen ditu gorputzaren definizio altuko irudiak sortzeko.
Eremu altuko 2 ekipo ditugu (SIEMENS AVANTO 1.5 T eta HITACHI OASIS 1.2 T), bobina barietate handiarekin, era guztietako azterketak egitea ahalbidetzen digutenak, soilenetatik konplexuenetara (muskuloeskeletikoa, EM bihotzekoa eta estres miokardikoarekin, gorputz osoa onkologikoa, difusioa, espektroskopia, erresonantzia multiparametrikoa prostatako minbiziaren diagnostikorako, bularra, pelbis femeninoa, gibela, kolangioerresonantzia, EM osoa, buruhezurra, angiografia EM bidez, bizkarrezur osoa, artro-EM).
Hitachiren OASIS 1.2 T erresonantzia ekipo "benetan" irekia da, eremu altukoa, pazientearentzako oso erosoa eta haren antsietatea murrizten du.
GEren Anestesia Aestiva ekipo bat ere badugu. Pedriatriak eskatu gero, azterketak sedazio pean egiteko gaitasuna ematen digu.
Disponemos también de un equipo de Anestesia Aestiva de G.E. que nos capacita para realizar estudios bajo sedación si ello fuese requerido (pediatría).
-
Erradiologia interbentzionistaren prozedurak Hemodinamika gelan egiten dira. Ebakuntza gela misto bat da. Bertan Kardiologia, Erradiologia, Kirurgia kardiakoa eta baskularra eta Anestesiako espezialitateek diziplina anitzeko eran lan egiten dute.
Ordenagailu bidezko Erradiologia Digitala
Hornikuntza Teknologikoa
-
- 2 gela: Philips Diagnost HP, x izpi digital zuzenekoak
- Gela 1: Siemens Axion Luminos dRF, x izpi digital zuzenekoak teleaginduta
- 2 x izpi eramangarrien ekipo, Philips Practix 360 eta GM Merate TX-16 MLP
- 2 digitalizatzaile, AGFAren CR CR 85-x eta CR DX-S
- 6 ebakuntza gelako arku (fluoroskopia eramangarria), Siemens (4), Philips (1), GE (1) eta Xi-Scan 4400
- Mamografo Digital 1 Tomosintesiarekin, Hologic-eko Selenia Dimensions 3D
- Dentsitometro 1, Lunar DPX, GErena
-
- 2 Ekografo IU22, Philipsenak
- Ekografo 1, HITACHI/Aloka F31
-
- 1, TC 64 Light Speed VCT, GErena
- 1,TC 20 Somaton Definition AS, Siemensena
-
- 1, Eremu altuko ekipo 1,5 T Avanto, Siemensena
- 1, Eremu altuko ekipo 1.2 T bertikal irekia Oasis, Hitachirena
- 1, Ekipo Anestesia Aestiva, GErena
-
- AGFAren Impax, BARCO estazio aurreratuekin diagnostiko erradiologikorako eta ahots ezagutza txostenak diktatzeko.
-
- Irudi erradiologikoak formatu digital ezberdinetan inprimatzeko, AGFA eta CODONICS markakoak
-
- HEMODINAMIKA. Philips Allure modeloa.
TALDE
OHIKO GALDERAK
-
Zertarako balio du Irudi bidezko Diagnostikoak?
Irudi bidezko diagnostikoa espezialitate mediko bat da zenbait gaixotasun prebenitzeko, diagnostikatzeko eta tratatzeko erabiltzen diren teknika guztiak biltzen dituena. Erradiazio ionizatzailea, ultrasoinuak, eremu magnetikoak eta irrati-frekuentzia erabiltzen ditugu gorputzaren, bere organoen eta egituren irudiak lortzeko, ondoren diagnostiko zehatzak ezartzea eta zenbait gaixotasun neurri txiki batean inbaditzailea den kirurgiaz tratatzea ahalbidetzen digutenak. Batzuetan, gorputzaren zati batzuk edo honek izan ditzakeen alterazioak hobeto interpretatzeko kontraste bat sartu behar da. Zerbitzuko langileek probei buruzko informazioa emango dizute, izan ditzakezun zalantzak argituko dizkizute, eta kasu batzuetan, beharrezkoa bada, baimen informatuaren dokumentua izenpetzeko eskatuko dizute.
-
Zer da erradiologia txostena?
Erradiologia txostena Irudi bidezko Diagnostikoko mediku espezialistek egindako proben emaitza gisa idazten duten txostena da, kontuan izanik, gainera, pazientearen aurrekariak, historia klinikoa eta aurrez egindako miaketak.
Erradiologo espezialistak txosten hori sinatzen du eta probak eskatu dituzten medikuen esku jartzen da. -
Zer da baimen informatua?
Baimen informatua da paziente batek modu askean, boluntarioan eta kontzientean emandako adostasuna, informazio egokia jaso ondoren eta bere ahalmen osoak erabiliz, bere osasunari eragiten dion jarduera bat egiteko, kasu honetan, irudi bidezko diagnostikorako teknika edo miaketa bat.
Irudi bidezko Diagnostikoko miaketa guztiek ez dute behar baimen informaturik.
Probaren konplexutasunaren eta oso inbaditzaileak izatearen baitan egoten da. Zure medikuak adieraziko dizu zer kasutan den beharrezkoa eta irudi bidezko diagnostiko teknika edo miaketa egin aurretik sinatzeko emango dizute.
-
Zer da kontraste bat?
Kontrastea da irudi bidezko diagnostiko proba batzuk egiteko pazienteari sartzen zaion substantzia farmakologiko bat. Kontrasteak erabiltzeak ez du nahitaez adierazten larritasun handiagoa edo pronostiko okerragoa proben emaitzan. Proba bat egiterakoan, pazienteari kontraste bat sartzeko erabakia irudi bidezko diagnostikoko mediku espezialistaren irizpidearen araberakoa da.
-
Nola ematen da kontrastea?
Kontraste erradiologikoak bide ezberdinetatik eman daitezke, kasu bakoitzaren arabera. Zain barnekoa, aho bidezkoa edo ondeste bidezkoak dira erabilienak. Mediku espezialistak azalduko dizkizu kasu bakoitzean kontrastea erabiltzeko arrazoiak eta hori emateko bidea.
-
Zer arrisku du kontrasteak?
Gorputzari ematen zaion edozein substantzia farmakologikorekin bezala, eta beste edozein botika edo elikagairekin gerta daitekeen bezala, alergikoak direnei kontrasteak erreakzio kaltegarriak eragin diezazkieke. Normalean arinak izaten dira, eta oso jende gutxik ondorio larriagoak izan ditzake.
Kasu gehienetan kontrasteak erabiltzeak ez du inolako arriskurik izaten. Dena den, Irudi bidezko Diagnostiko Zerbitzua prestatuta dago kontraste bide horien erabilerak sor dezakeen edozein arazori irtenbidea emateko.
Alergiak ezagutuz gero, garrantzitsua da osasun profesionalei jakinaraztea, miaketa egokienak egin ditzaten edo tratamendu prebentiboak agindu ditzaten, ondoren, kontraste bitartekoak erabiltzea ahalbidetuko dutenak. Zentzu horretan, garrantzitsua da, era berean, ezagutzen diren alergia horien berri proba diagnostiko horiek egingo dituzten erizainei eta teknikariei ere ematea.
-
Zer teknika diagnostiko da onena jakiteko zer gertatzen zaidan?
Oro har ez dago teknika bat bestea baino hobea diagnostiko arazo bat argitzeko. Proba edo teknika diagnostiko batzuk erabiltzea, askotan, diagnostiko arazoarekin, gorputzaren atalarekin, ehun motarekin edo pazienteek izan ditzaketen beste egoera batzuekin (alergiak eta abar) lotuta dago. Jarraibide zehatzak daude kasu bakoitzean teknika diagnostiko batzuk erabiltzeko edo ez, eta Irudi bidezko Diagnostikoko espezialistei dagokie teknikak aukeratzea irizpide, ebidentzia zientifiko eta abarretan oinarrituta.
-
Posible da ekografia, TC edo RMN bat erabiltzea diagnostiko bererako?
Bai, horrela da, posible da teknika ezberdinak eta batera erabiltzea diagnostiko bererako, horrek larritasun handiagoa edo pronostiko okerragoa inplikatzen ez duen arren.
-
Irudi bidezko Diagnostikoko teknika guztiek erabiltzen dute erradiazioa?
Ez. Espezialitate mediko gisa Irudi bidezko Diagnostikoak erradiazioa ez diren hainbat teknika erabiltzen ditu (ultrasoinuak, eremu magnetikoak, irrati-frekuentzia). Ordenagailu bidezko erradiologia digitalak, TCak edo mamografiak adibidez, erradiazio ionizatzailea erabiltzen duten diagnostiko teknikak dira, eta hori da, hain zuzen, teknika horien erabilera murrizteko arrazoi nagusietako bat. Izan ere, bakarrik erabiliko dira guztiz beharrezkoak direnean.
-
Beharrezkoa da proba diagnostiko bat egitea zer gertatzen zaidan jakiteko?
Irudi bidezko Diagnostiko probak miaketa osagarriak dira, eta beraz, pazienteen informazio klinikoa eta profesionalek egiten duten miaketa fisikoa osatzen dute. Beste proba osagarriekin batera lagundu egiten dute diagnostiko batera iristen. Beste proba osagarri batzuek emandako informazioa, informazio klinikoa edo miaketa fisikotik jasotakoa nahikoa badira, agian ez da beharrezkoa izango inolako proba diagnostikorik egitea.
-
Zer da mamografia bat?
Mamografia metodo diagnostiko bat da, ez-inbaditzailea, x izpiak erabiltzen dituena eta oso eraginkorra dena bularreko gaixotasun asko, minbizia bereziki, antzemateko, diagnostikatzeko eta tratamendua gidatzeko.
-
Zergatik da horren garrantzitsua bularra horrenbeste zanpatzea mamografia batean?
Normalean zanpatzeko plastiko gardenezko dispositibo batzuk erabiltzen dira, segundo gutxi batzuetan aplikatzen direnak. Konpresioa oso garrantzitsua da irudi garbiak lortzeko ahalik eta erradiazio dosi txikienarekin. Bularraren konpresioa beharrezkoa da ondokoetarako:
- Bularra osorik zapaltzeko ehun guztiak ikus daitezen.
- Bularraren ehuna zabaltzeko, anomalia txikiak beren gainean dituzten bular ehunetan ezkutatuta geratzeko aukera ahalik eta txikiena izan dadin.
- X izpien dosi txikiagoa erabiltzea ahalbidetzeko.
- Bularra sendo mantentzeko, mugimendua ekiditeko, mugimenduaren eraginez sortzen diren artefaktoak minimizatzeko asmoz.
- Erradiazio barreiatua murrizteko, irudiaren kontrastea handitzeko xedez.
-
Erresonantzia magnetikoa egin dezaket klaustrofobikoa banaiz?
Paziente bat benetan klaustrofobikoa bada, batzuetan prestakuntza berezia egin behar da EM bat egiteko, agian beharrezkoa izan daiteke botika antsiolitikoak ematea klaustrofobia sentsazioa gutxitzen laguntzeko.
Zorrotzaurre Klinikako Irudi bidezko Diagnostiko Departamentuak eremu altuko erresonantzia magnetiko ireki bat ere badauka, sentsazio klaustrofobiko horiek oso modu esanguratsuan murrizten dituena.
Aurreko estrategia guztiek porrot egingo balute, Zerbitzu honetan aukera dago erresonantzia azterketak sedazioz edo anestesiarekin ere egiteko.